節目重溫: 今晚噏 to you

今晚噏 TO YOU 第七集~痴餐聖地,FACEBOOK總部!?

主持:懷Dee, 陳總,Ringtone,GingerBeer
主題:痴餐聖地 — 來到第七集既今晚噏 TO YOU,今集終於齊人啦! 黎到季尾,大家有無聽齊咁多集呢? 今集第一單新聞就講下咁多位主持最強既痴餐! 究竟全世界最好既痴餐地方係邊呢? 之後就講下中港兩地既有得意新聞,一定要聽下CCTV點樣爆笑回應偷片投訴。 第二節仲有陳總為大家唱一曲《紅色的跑車》,大家記得準時收聽啦!
下載: 第一節  第二節  

收聽:

今晚噏 TO YOU 第六集~抗日勝利大閱兵

主持:陳總,Ringtone,GingerBeer
嘉賓:Pauline
主題:抗日勝利大閱兵 — 來到第六集既今晚噏 TO YOU,印象中呢今集懷Dee就唔係度。 又比大家估下今次佢衰咩呢? 言歸正傳,今開出POST就係十月二號,岩岩完左國慶, 梗係要講下國家大事,抗日閱兵儀式啦。 究竟有咩笑料,懷Dee而家都唔知, 記住今晚十點鐘準時收聽啦!
下載: 第一節  第二節  

收聽:

今晚噏 TO YOU 第五集~風化案特別節目,OT有汗出無糧出?

主持:懷Dee, 陳總,Ringtone,GingerBeer
主題:風化案特別節目,OT有汗出無糧出? — 今日黎到第五集,講下各位打工仔最緊張既OT補水問題。標準工時委員會話, 計過「若現時「月薪1萬元」的僱員每周工作52小時後才有1倍的超時補水,預計薪酬成本只會增加1億3百萬元咁話! 講開打工,當然就唔少得講堆住屋問題啦,我地又會討論下香港劏房新聞。 最緊要今集好開心請到一個超級特別喜賓!炮哥。用第一身角度講風化案,注意佢係受害人!
下載: 第一節  第二節  

收聽:

今晚噏 TO YOU 第四集~法外情?

主持:懷Dee, 陳總,Ringtone,GingerBeer
主題:法外情? — 大家好!好開心黎到第四集 今晚噏 TO YOU 啦!星期六晚上又有我地同你up to you!今晚頭條就講沙頭角單車維修伯伯慘比食環署人員「陰」左一獲。究竟誰對誰錯,法律係咪真係不外乎人情呢?之後重有香港大學盧醫生疑似插水案同轟動 全城既內地電話騙案。總之,逄星期六晚坐定定收聽今晚噏 TO YOU 啦!
下載: 第一節  第二節  

收聽:

今晚噏 TO YOU 第三集~兒童寫真真唔真?

主持:陳總,Ringtone,GingerBeer
主題:兒童寫真真唔真? — 無驚無險黎到第三集 今晚噏 TO YOU 啦!今集呢內容多到爆, 打頭陣就係美心妹妹寫真風波,黎聽下我地大名鼎鼎既「風化陳」有咩睇法呢; 緊接住就係陰謀背後talk show都有講既鉛水事件。仲有幾單關於消費既貼身新聞,黑鬼油同大排檔三收事件!係度唔講咁多啦,大家記得星期六準時收聽啦!
下載: 第一節  第二節  

收聽:

今晚噏 TO YOU 第二集~「狗」池肉林 北韓妙藥

主持:懷Dee, 陳總,Ringtone,GingerBeer
主題:「狗」池肉林 北韓妙藥 — 來到第二集既今晚噏 TO YOU,第一集已經引起聽眾迴響, 我係度僅代表四位主持感謝各位聽眾厚愛同支持,仲要多謝各位聽眾大刀斧正!! 作為四個年輕人,新手上路做主持,還請各位高質素既星匯網聽眾多多指教! 我地四位主持一定會虛心受教,你地所有既支持同批評我地都收到! 容許我係度再次多謝大家,我地一定會比心機,為大家帶來更多笑料同歡樂 第二集我地會講下究竟呢個廣西玉林狗肉節竟係咩一回事呢,又點解會引起咁多道德問題呢!? 當然唔少得呢排北韓聲稱研發左既超級藥物,竟然可以醫癌症!? 仲有好多千奇百趣既小道新聞,記得準時收聽我地第二集既今晚噏 TO YOU 同大家「論盡」時事!!
下載: 第一節  第二節  

收聽:

今晚噏 TO YOU 第一集~襲警「胸」器!?

主持: 懷Dee, 陳總,Ringtone,GingerBeer
主題:襲警「胸」器!? — 星匯網全新時事節目 今晚噏 TO YOU 隆重登場, 四位八,九十後主持: 懷Dee, 陳總,Ringtone,GingerBeer 同大家論盡時事! 第一集同大家用武術角度分析下究竟胸部可以點樣襲警; 又講下究竟台灣空運既洪瑞珍三明治有咩魔力,可以令到港女中毒都要食!? 仲有一大埋奇怪新聞,鬼鼠阿婆偷報紙,難兄難弟風化案。。。 數都數唔曬咁多笑料!總知每逢星期一捕住星匯網聽今晚噏 TO YOU,包你笑到見牙唔見眼!
下載: 第一節  第二節  

收聽: