節目重溫: 浪遊世界

浪遊世界 第十三集~ 蒙古越野單車賽

world pioneer ep13
主持:TeeDee, Kitty
嘉賓:李明熙
主題: 蒙古越野單車賽 — 當你挑戰完自己, 由德國柏林踩咗一萬多公里返到香港, 滿以為參加一個少於一千公里單車比賽應該難度唔大, 結果去到先發現自己體能同技術都未準備好, 你會用咩態度去完成比賽?今集浪遊嘉賓- 李明熙, 舊年成為第一位參加蒙古越野單車賽的香港人,係今集節目同大家分享呢個為期七日的比賽所面臨的種種挑戰。聽完佢形容果D又高又斜又難踩的賽道,又爛又四野無人的周圍環境, 仲有又凍又唔舒服的蒙古包, 我真係非常十分佩服佢的堅韌同毅力。 好欣賞佢對比賽的堅持, 同其他參賽者的互動同埋當發現自己準備唔夠時的謙遜。 希望你地都鍾意今季最後一集的「浪遊世界」啦! 好欣賞佢對比賽的堅持, 同其他參賽者的互動同埋當發現自己準備唔夠時的謙遜。 希望你地都鍾意今季最後一集的「浪遊世界」啦!
下載: 第一節  第二節  

收聽:

浪遊世界 第十二集~自駕浪遊

world pioneer ep12
主持:TeeDee, Kitty
嘉賓:FeeFee
主題:自駕浪遊 — 愈來愈多浪遊人鍾意自己租車周圍去, 今次我地請嚟呢位自駕經驗豐富的FeeFee同大家分享佢自駕遊的遊歷之餘, 佢比好多貼士大家點樣租架平靚正的車、點樣好好準備行程同埋盡情享受租車帶嚟的樂趣。 無論你係經驗豐富的駕駛者, 定係雪藏牌擁有者, 聽完今次節目都肯定有所得著!
下載: 第一節  第二節  

收聽:

浪遊世界 第十一集 ~ 一路順風

world pioneer ep11
主持:TeeDee, Kitty
嘉賓:Adam
主題:一路順風 — 當你有親朋戚友去旅行,好多時會講句「一路順風」(雖然唔指一次我被教導飛機逆風飛好啲),祝福佢地旅途平安。 今集「浪遊世界」嘉賓Adam,佢用行動去演繹咩叫做一路順風。聽完今集節目,下次你再有機會同人地講「一路順風」時,可能你會想起呢個「一路」由德國柏林坐「順風」車返嚟香港嘅浪遊人。 用咗一年時間係柏林完成工作假期計劃(Working Holiday Scheme)嘅Adam, 受到身邊熱愛浪遊嘅朋友薰陶,選擇唔係當地繼續學業,而用好唔簡單嘅回程方法返香港。結果佢用咗五個幾月時間,上咗好多好多「陌生人」嘅車,完成佢一萬八 千幾公里嘅路程,一直由柏林坐順風車返到沙田屋企。 沿路上Adam遇到好多有趣嘅人同事,佢將會係節目慢慢同大家分享,另外佢仲會傳授最有效嘅截順風車方法同埋賺旅費嘅辦法。 好喜歡佢呢段自由自主嘅遊歷,尤其佢享受旅程之餘,仲為慈善機構籌款,希望你都鍾意佢嘅分享。
下載: 第一節  第二節  

收聽:

浪遊世界 第十集~ 我係自遊人!

world pioneer ep10
主持:TeeDee, Kitty
嘉賓:LaaLaa, 馬林
主題:我係自遊人! — 唔止一次係自己一個人去旅行時, 被當地人或其他旅客問「你自己一個人嚟旅行?」, 提問人的語氣大部分係好奇、有時係憐憫、有時甚至帶有「你係咪傻KA?」的詢問。我估計對於某些未試過自己一個人去旅行的人嚟講, 佢地會覺得一個人去旅行係咪可行? 唔會悶咩? 唔怕危險? 你無朋友陪你? 你係咪唔開心要嚟散心? 每個人選擇自己出遊原因都唔同, 今集請嚟浪遊人LaaLaa同馬林, 佢地會同大家分享佢地獨遊體驗, 有同其他旅遊人打成一片的開心回憶、 有有驚險刺激的經歷同埋透過自遊體會最感性的自我認識。 作為自遊人, 我地都會以選擇一個人去旅行為傲, 無論你有無試過獨遊, 希望你會喜歡今集節目!
下載: 第一節  第二節  

收聽:

浪遊世界 第九集~浪遊南美、南極

world pioneer ep9
主持:TeeDee
嘉賓:阿禮, Dorothy
主題:浪遊南美、南極 — 又一個浪漫的愛情故事。阿禮求婚時承諾Dorothy帶佢到南極睇企鵝,結果做就咗佢地難忘嘅四十多日南美加南極蜜月之旅。 南極,對於好多浪遊人嚟講,實在係可愛又可怕嘅地方。可愛嘅當然係當地獨有生態環境,可怕嘅(對於我嚟講)係高昂嘅旅費,又或者嚴寒嘅天氣。至於南美,每 個國家各有超人氣景點,亦都係我夢寐以求想去嘅地方。阿禮同Dorothy除咗同大家分享佢地四十幾日蜜月旅程有幾精采之外,Dorothy 仲會講佢係南美自遊廿幾日嘅苦與樂,同埋係亞馬遜森林做義工嘅經歷。 今次分享係我遠赴德國威斯巴登(Wiesbaden)錄製,音質比係香港舒適嘅録音室唔同,希望大家唔會介意,繼續支持今集「浪遊世界」啦!
下載: 第一節  第二節  

收聽:

浪遊世界 第八集~ 全職旅遊人

world pioneer ep8
主持:TeeDee, Kitty
嘉賓:蚊蚊
主題:全職旅遊人 — 當我第一次接觸今集浪遊嘉賓「蚊蚊」, 知道佢已經做咗全職旅遊人四年, 旅費全憑自資網上店舖維持, 我簡直覺得佢過緊我夢想中的生活。聽完佢分享之後, 發現呢個前電台主播並唔係傻下傻下掛住周圍去玩, 佢其實非常熱心想幫助尼泊爾有需要的小朋友同其他旅途上佢遇到有需要的人仕。聽到佢分享小朋友的故事感動之餘, 我更加體會到可自由選擇的可貴。 蚊蚊今次係節目度仲教識我點樣練瑜珈可以達到「金蟬脫殼」的奇妙境界, 點樣叫做比較安全地撘便車, 點樣可以係印度成為明星般的受歡迎人物, 呢一切實在令人大開眼界(或大開笑口)。最後佢不忘鼓勵大家趁青春時追隨自己的夢想, 透過唔一樣的遊歷去選擇自己的人生路向。
下載: 第一節  第二節  

收聽:

浪遊世界 第七集~為食去旅遊

world pioneer ep7
主持:TeeDee, Kitty
嘉賓: Yannie
主題:為食去旅遊 — 係咪每次旅行都要忽忽忙忙?太多景㸃要去?太多靚相要影?食餐好嘅又怕唔知係咪物有所值?今集浪遊嘉賓 Yannie, 同我地分享佢係各地食好嘢心得,由幾蚊一餐自己煮,到豪食全球50間最佳食肆嘅經驗慢慢同你分享。除咗講你知㸃樣透過認識當地食物去知多D當地文化,仲同 你分享有趣旅遊體驗,記住帶定口水肩聽今集節目啦:)
下載: 第一節  第二節  

收聽:

浪遊世界 第六集~拉近拉薩

world pioneer ep6
主持:TeeDee, Kitty
嘉賓:薯伯
主題:拉近拉薩 — 想起拉薩,除咗布達拉宮、高原反應同青藏鐵路外,你仲會想起咩?去到西藏除咗欣賞獨有嘅風景同建築外,想唔 想知㸃樣可以進一步融入當地生活?今集我地請嚟浪遊嘉賓薯伯,佢06已經係拉薩開設咖啡室,對於西藏嘅景點、藏民生活同埋拉薩近年變化都好熟悉,係節目度 佢唔單止分享去西藏旅遊嘅貼士,仲大爆佢當年由曼谷踩單車去拉薩嘅趣事。無論你已經去過、準備去定係暫時未決定去拉薩,聽完今集節目,可能你會改變已往對 西藏嘅想法
下載: 第一節  第二節  

收聽:

浪遊世界 第五集~環遊馬拉松

world pioneer ep5
主持:TeeDee
嘉賓:Stephen, Yuichi, Carrie
主題:環遊馬拉松 — 每年農曆年過後, 香港傳媒都會將焦點放係「渣馬」呢個大型活動上。歷年參加人數之多, 你或你身邊親友總會參加過, 但你有無想過跑馬拉松都可以係浪遊原因? 今集「環遊馬拉松」請嚟本地跑手Stephen同日本跑手Yuichi同大家分享佢地去世界各地參加馬拉松兼順道旅遊的體驗。佢地足跡跑遍亞洲、歐洲同非 洲,每個馬拉松都有唔同的特色, 就算你對跑步運動唔太熱衷, 聽完佢地分享, 可能你地都會心思思下次去浪遊時順便參加當地呢D有趣又健康的集體活動!
下載: 第一節  第二節  

收聽:

浪遊世界 第四集~手拖手473日環遊世界

world pioneer ep4
主持:TeeDee, Kitty
嘉賓: Natalie, Hiro
主題:手拖手473日環遊世界 — 可以同情人手拖手去旅行固然甜蜜啦, 係旅途之中佢仲同你承諾一生一世, 你會唔會同我一樣覺得冧到爆呢? 每19年情人節先會遇上元宵節, 今年我地有緣遇上呢個雙料情人節, 仲可以一齊收聽 Natalie 同 Hiro 分享佢地 473日環遊世界的體驗, 節目初段就聽到佢地分享求婚過程, 感覺係咪特別溫馨甜蜜呢 ? 究竟咩原因可以驅使呢對八十後情侶放低香港生活, 用473日走遍6大洲3大洋, 46個國家200幾個地方? 除咗甜蜜之外, 佢地一路仲遇上好多唔同遭遇, 有刺激有趣、有感動人心、又有激氣忟憎的事,係節目內佢地會大家逐一分享。 為咗追尋環遊世界呢個夢想, 佢地可以去到幾盡?
下載: 第一節  第二節  

收聽: