節目重溫: 浪遊世界

浪遊世界 第三集~Couchsurfing 沙發旅遊

world pioneer ep3
主持:TeeDee, Kitty
嘉賓:Wan, Bird
主題:Couchsurfing 沙發旅遊 — 頭兩集的「浪遊世界」內容環繞點樣用自己的勞工換來免費食宿。今集內容想同大家分享Couchsurfing (CS)沙發旅遊呢種旅遊模式,連勞力都唔洗付出就可以有免費住宿, 聽落算唔算好著數呢?其實大家之前有無聽過呢種旅遊模式?大家對沙發旅遊有咩感覺呢? 記得我第一次接觸呢種旅遊模式時, 可能同好多人一樣(我身邊朋友仍一直認為), 覺得呢種去陌生地方住係陌生人屋企的做法聽落好危險, 人生路不熟加上人心叵測, 如果遇到壞人咁點算? 但當我接觸多咗CS人之後, 發覺佢大部分都係好有熱誠的好人, 佢地接待沙發客的目的好多時想分享沙發客的旅遊經驗或者想介紹當地文化特點比外地人。再者, CS的運作並唔係想大家係完全無保障下去其他人屋企作客,如果你都想知多D點樣做個精明沙發客或沙發屋主, 就要留意我地今集兩位浪遊嘉賓Wan 同 Bird的分享, 佢地唔單止分享佢地分別做沙發客同沙發屋主的體會, 仲會同大家大派貼士添!
下載: 第一節  第二節  

收聽:

浪遊世界 第二集~ VolTra 義遊

world pioneer ep2
主持:TeeDee, Kitty
嘉賓:小文, Ginny
主題:VolTra 義遊 — 今集「浪遊世界」嘅主題係VolTra義遊。我地請咗兩位浪遊嘉賓 Ginny 同小文同大家分享佢地義遊嘅體驗。嬌滴滴嘅Ginny去咗非洲幫手整石磗之餘,仲意外地成為土耳其本地藝術嘅宣傳大使;而小文作為VolTra嘅創辦人之 一,身體力行去咗印度宣揚海龜保育工作。另外,如果你想知道申請去外地做義工有咩又快又簡單嘅方法,又或者想瞭解各地做義工嘅獨特之處,記得今晚十㸃聽我 地節目啦!
下載: 第一節  第二節  

收聽:

浪遊世界 第一集~WWOOF x KiTaiwan

DSJIMG_1205
主持:TeeDee
嘉賓:Kitty
主題:WWOOF x KiTaiwan — 第一集「浪遊世界」已經係一片歡笑聲中製作完成 呢集內容有主持人TeeDee係北海道完成WWOOF的經驗分享同埋Kitty係台灣參加KiTaiwan的所見所聞。
下載: 第一節  第二節  

收聽: