節目重溫： 今晚噏 to you

今晚噏 TO YOU 第七集~痴餐聖地，FACEBOOK總部！？

10-10-2015   節目分類：、
主持：懷Dee, 陳總，Ringtone，GingerBeer
主題：痴餐聖地 — 來到第七集既今晚噏 TO YOU，今集終於齊人啦！ 黎到季尾，大家有無聽齊咁多集呢？ 今集第一單新聞就講下咁多位主持最強既痴餐！ 究竟全世界最好既痴餐地方係邊呢？ 之後就講下中港兩地既有得意新聞，一定要聽下CCTV點樣爆笑回應偷片投訴。 第二節仲有陳總為大家唱一曲《紅色的跑車》，大家記得準時收聽啦！
下載： 第一節  第二節  

收聽：

往論壇主題

今晚噏 TO YOU 第六集~抗日勝利大閱兵

03-10-2015   節目分類：、
主持：陳總，Ringtone，GingerBeer
嘉賓：Pauline
主題：抗日勝利大閱兵 — 來到第六集既今晚噏 TO YOU，印象中呢今集懷Dee就唔係度。 又比大家估下今次佢衰咩呢？ 言歸正傳，今開出POST就係十月二號，岩岩完左國慶， 梗係要講下國家大事，抗日閱兵儀式啦。 究竟有咩笑料，懷Dee而家都唔知， 記住今晚十點鐘準時收聽啦！
下載： 第一節  第二節  

收聽：

往論壇主題

今晚噏 TO YOU 第五集~風化案特別節目，OT有汗出無糧出？

26-09-2015   節目分類：、
主持：懷Dee, 陳總，Ringtone，GingerBeer
主題：風化案特別節目，OT有汗出無糧出？ — 今日黎到第五集，講下各位打工仔最緊張既OT補水問題。標準工時委員會話， 計過「若現時「月薪1萬元」的僱員每周工作52小時後才有1倍的超時補水，預計薪酬成本只會增加1億3百萬元咁話！ 講開打工，當然就唔少得講堆住屋問題啦，我地又會討論下香港劏房新聞。 最緊要今集好開心請到一個超級特別喜賓！炮哥。用第一身角度講風化案，注意佢係受害人！
下載： 第一節  第二節  

收聽：

往論壇主題

今晚噏 TO YOU 第四集~法外情？

19-09-2015   節目分類：、
主持：懷Dee, 陳總，Ringtone，GingerBeer
主題：法外情？ — 大家好！好開心黎到第四集 今晚噏 TO YOU 啦！星期六晚上又有我地同你up to you！今晚頭條就講沙頭角單車維修伯伯慘比食環署人員「陰」左一獲。究竟誰對誰錯，法律係咪真係不外乎人情呢？之後重有香港大學盧醫生疑似插水案同轟動 全城既內地電話騙案。總之，逄星期六晚坐定定收聽今晚噏 TO YOU 啦！
下載： 第一節  第二節  

收聽：

往論壇主題

今晚噏 TO YOU 第三集~兒童寫真真唔真？

12-09-2015   節目分類：、
主持：陳總，Ringtone，GingerBeer
主題：兒童寫真真唔真？ — 無驚無險黎到第三集 今晚噏 TO YOU 啦！今集呢內容多到爆， 打頭陣就係美心妹妹寫真風波，黎聽下我地大名鼎鼎既「風化陳」有咩睇法呢； 緊接住就係陰謀背後talk show都有講既鉛水事件。仲有幾單關於消費既貼身新聞，黑鬼油同大排檔三收事件！係度唔講咁多啦，大家記得星期六準時收聽啦！
下載： 第一節  第二節  

收聽：

往論壇主題

今晚噏 TO YOU 第二集~「狗」池肉林 北韓妙藥

05-09-2015   節目分類：、
主持：懷Dee, 陳總，Ringtone，GingerBeer
主題：「狗」池肉林 北韓妙藥 — 來到第二集既今晚噏 TO YOU，第一集已經引起聽眾迴響， 我係度僅代表四位主持感謝各位聽眾厚愛同支持，仲要多謝各位聽眾大刀斧正！！ 作為四個年輕人，新手上路做主持，還請各位高質素既星匯網聽眾多多指教！ 我地四位主持一定會虛心受教，你地所有既支持同批評我地都收到！ 容許我係度再次多謝大家，我地一定會比心機，為大家帶來更多笑料同歡樂 第二集我地會講下究竟呢個廣西玉林狗肉節竟係咩一回事呢，又點解會引起咁多道德問題呢！？ 當然唔少得呢排北韓聲稱研發左既超級藥物，竟然可以醫癌症！？ 仲有好多千奇百趣既小道新聞，記得準時收聽我地第二集既今晚噏 TO YOU 同大家「論盡」時事！！
下載： 第一節  第二節  

收聽：

往論壇主題

今晚噏 TO YOU 第一集~襲警「胸」器！？

29-08-2015   節目分類：、
主持： 懷Dee, 陳總，Ringtone，GingerBeer
主題：襲警「胸」器！？ — 星匯網全新時事節目 今晚噏 TO YOU 隆重登場， 四位八，九十後主持： 懷Dee, 陳總，Ringtone，GingerBeer 同大家論盡時事！ 第一集同大家用武術角度分析下究竟胸部可以點樣襲警； 又講下究竟台灣空運既洪瑞珍三明治有咩魔力，可以令到港女中毒都要食！？ 仲有一大埋奇怪新聞，鬼鼠阿婆偷報紙，難兄難弟風化案。。。 數都數唔曬咁多笑料！總知每逢星期一捕住星匯網聽今晚噏 TO YOU，包你笑到見牙唔見眼！
下載： 第一節  第二節  

收聽：

往論壇主題